Dissemination
Standards
Bulletin Board


 


ՀՀ ՎԿ մեթատվյալների հիմնապաշար

Տվյալների Տարածման Հատուկ Ստանդարտ
(Համաձայն ԱՄՀ-ին տրամադրած տարբերակի)

Հայաստանի

Հանրապետություն Արտաքին պարտք

Վերջին վերանայումը

04 ապրիլ 2019թ

Վերջին վավերացումը

04 ապրիլ 2019թ

Պատասխանատու(ներ)

        
 

 

Քրիստինե Պողոսյան

ՀՀ ՎԿ

Վճարային հաշվեկշռի և արտաքին առևտրի վիճակագրության բաժին

Բաժնի պետ

Հայաստանի Հանրապետություն, 0010, ք. Երևան, Հանրապետության պող., Կառավարական տուն 3

 

Հեռախոս :

374 11 583 995

 

Ֆաքս :

374 11 521 921

 

Էլ. փոստ :

kiristina@armstat.am, info@armstat.am

Տարածման ձևաչափ

Ամփոփ մեթոդաբանություն

Ազգային Ամփոփ Տվյալների Էջ

 

Տվյալներ. ընդգրկունություն, պարբերականություն և ժամանակայնություն

Ընդգրկունության բնութագրեր

5.1.1 Վիճակագրական ներկայացուցչականություն

Տվյալները տարածվում են միլիոն ԱՄՆ դոլարով` "Վճարային հաշվեկշռի ձեռնարկի" հինգերորդ հրատարակության (ՎՀՁ-5) և "Արտաքին պարտքի ուղեցույցի" մեթոդաբանությանը համապատասխան և ընդգրկում են ամբողջ տնտեսությունը: Տվյալները տարածվում են ըստ ժամկետների` սկզբնական մարման ժամկետների հիման վրա և ըստ գործիքների` հետևյալ կտրվածքով.

1. Պետական կառավարման հատված`

ա. Կարճաժամկետ (դրամի շուկայի գործիքներ, վարկեր, առևտրային վարկեր, այլ պարտքային պարտավորություններ).

բ. Երկարաժամկետ (պարտատոմսեր և պարտամուրհակներ, վարկեր, առևտրային վարկեր, այլ պարտքային պարտավորություններ):

2. Դրամավարկային կարգավորման մարմիններ`

ա. Կարճաժամկետ (դրամի շուկայի գործիքներ, վարկեր, կանխիկ դրամական միջոցներ և ավանդներ և այլ պարտքի պարտավորություններ).

բ. Երկարաժամկետ (պարտատոմսեր և պարտամուրհակներ, վարկեր, կանխիկ դրամական միջոցներ և ավանդներ, այլ պարտքային պարտավորություններ):

3. Բանկեր`

ա. Կարճաժամկետ (դրամի շուկայի գործիքներ, վարկեր, կանխիկ դրամական միջոցներ և ավանդներ, այլ պարտքային պարտավորություններ).

բ. Երկարաժամկետ (պարտատոմսեր և պարտամուրհակներ, վարկեր, կանխիկ դրամական միջոցներ և ավանդներ, այլ պարտքային պարտավորություններ):

4. Այլ հատվածներ`

ա. Կարճաժամկետ (դրամի շուկայի գործիքներ, վարկեր, կանխիկ դրամական միջոցներ և ավանդներ, առևտրային վարկեր, այլ պարտքային պարտավորություններ).

բ. Երկարաժամկետ (պարտատոմսեր և պարտամուրհակներ, վարկեր, կանխիկ դրամական միջոցներ և ավանդներ, առևտրային վարկեր, այլ պարտքային պարտավորություններ):

5.  Ուղղակի ներդրումներ. միջֆիրմային վարկեր`

ա. Պարտքային պարտավորություններ մասնաճյուղ ձեռնարկություններին.

բ. Պարտքային պարտավորություններ ուղղակի ներդրողներին:

Ուղղակի ներդրումների գծով պարտքը ներառում է մասնավոր և առևտրային բանկերի հատվածները, որոնք չեն ներառվում “Բանկեր” և “Այլ հատվածներ” բաղադրիչներում:   

Պարբերականություն

4.1.1 Պարբերականություն

Եռամսյակային, տարեկան:

Ժամանակայնություն

4.1.2 Ժամանակայնություն

Եռամսյակային տվյալների համար` մեկ եռամսյակ հաշվետու ժամանակաշրջանի ավարտից հետո:

Տարեկան տվյալների համար` երկու եռամսյակ հաշվետու ժամանակաշրջանի ավարտից հետո:

Հանրության համար հասանելիություն

Տվյալների թողարկման նախնական օրացույցի տարածում

5.1.3 Տվյալների թողարկման նախնական օրացույց

Վիճակագրական հրապարակումների (տվյալների) ժամանակացույցերն արտացոլվում են ՀՀ վիճակագրության պետական խորհրդի (ՀՀ ՎՊԽ) կողմից հաստատվող պետական վիճակագրական աշխատանքների տարեկան ծրագրերում: Տարեկան ծրագիրը հաստատվում է ՀՀ պետական բյուջեի հաստատումից հետո (ՀՀ Ազգային ժողովի կողմից)` մեկամսյա ժամկետում:

2019թ. տարեկան վիճակագրական ծրագիրը հաստատվել է ՀՀ վիճակագրության պետական խորհրդի 2018թ. նոյեմբերի 30-ի թիվ 70-Ն որոշմամբ: 2019 թվականի պետական վիճակագրական աշխատանքների ծրագրի հայերեն տարբերակը տեղադրված է ՀՀ ՎԿ ինտերնետային կայքում` հետևյալ հասցեով. https://www.armstat.am/am/?nid=191&year=2019

Բացի այդ, Հրապարակումների Ժամանակացույցը տեղադրված է նաև ՀՀ ՎԿ ինտերնետային կայքի դիմային էջում  https://www.armstat.am/file/calendar/2019-i_Oracuyc-am.pdf

Հրապարակումների ճշգրիտ ժամկետների նշումով ժամանակացույցը` մեկ եռամսյակ առաջ, տարածվում է նաև Արժույթի միջազգային հիմնադրամի Տվյալների Տարածման Տեղեկագրի ինտերնետային կայքում (http://docs.armstat.am/nsdp/):

Միաժամանակյա ներկայացումը բոլոր շահագրգիռ կողմերին

 

5.1.4 Միաժամանակյա ներկայացում

Հասարակությանը բոլոր տվյալները ներկայացվում են միաժամանակ` վիճակագրական տեղեկատուների, հրապարակումների տեսքով  ("Հայաստանի Հանրապետության սոցիալ-տնտեսական վիճակը" և "Հայաստանի Հանրապետության վճարային հաշվեկշիռը") և ՀՀ վիճակագրական կոմիտեի ինտերնետային կայքում` հետևյալ հասցեով. http://www.armstat.am/am/?nid=82:

Բոլոր հրապարակումների օրինակները տեղադրվում են նաև ՀՀ ՎԿ բաց գրադարանում և ՀՀ ազգային գրադարանում:

Արժանահավատություն

Սահմանված կարգի և պայմանների տարածումը, որի ներքո իրականացվում է պաշտոնական վիճակագրությունը, ներառյալ  անհատական տվյալների գաղտնիությունը

 0.1.1 Տվյալների հավաքագրման, մշակման և տարածման պատասխանատվություն

Վիճակագրական կոմիտե

Տվյալների հավաքագրման և տարածման բնագավառի հարաբերությունները կարգավորվում են ՀՀ Ազգային ժողովի կողմից 2018թ. մարտի 21-ին ընդունված “Պաշտոնական վիճակագրության մասին” Հայաստանի Հանրապետության օրենքով, որը հանդիսանում է ազգային վիճակագրական համակարգը կարգավորող իրավական հիմքը: Օրենքը սահմանում է օրենքով լիազորված մարմինների կողմից պաշտոնական վիճակագրության հիմնարար սկզբունքների պահանջներին համապատասխան, հանրային կյանքի էական և չափակցելի երևույթների թվային արտահայտությամբ մշակված, արտադրված և տարածված, բացառապես վիճակագրական ծրագրերում արտացոլված վիճակագրության մշակման կարգը, որը ներկայացուցչական հիմքով նկարագրում է Հայաստանի Հանրապետության տնտեսական, ժողովրդագրական, սոցիալական և բնապահպանական երևույթները:

Պաշտոնական վիճակագրությունը.

Պաշտոնական վիճակագրության մասին” ՀՀ օրենքի դրույթներին համապատասխան` պաշտոնական վիճակագրության բնագավառը կարգավորող նորմատիվ-իրավական հիմք են հանդիսանում նաև Հայաստանի Հանրապետության վիճակագրության պետական խորհրդի (ՀՀ ՎԿ կառավարման բարձրագույն մարմնի) կողմից հաստատվող նորմատիվ իրավական ակտերը:

Հայաստանի Հանրապետության 2019-2023 թվականների  վիճակագրական աշխատանքների հնգամյա ծրագիրը հաստատվել է   Հայաստանի Հանրապետության ՎՊԽ կողմից 2018 թվականի հոկտեմբերի 31-ին:

Բացի վերոշարադրյալից, պետական վիճակագրության կազմակերպման առանձին հարաբերություններ կարգավորվում են նաև Հայաստանի Հանրապետության վիճակագրության պետական խորհրդի կողմից հաստատված և ստորև թվարկված նորմատիվ ակտերով, ինչպես նաև 0.1.2, 0.1.3 և 0.1.4 ենթակետերում թվարկված իրավական ակտերով`

1. Հայաստանի Հանրապետության վարչապետի 2018թ. հունիսի 11-ի “Հայաստանի Հանրապետության վիճակագրական կոմիտեի կանոնադրությունը հաստատելու մասին թիվ 741-Լ որոշում.

2. Հայաստանի Հանրապետության վիճակագրության պետական խորհրդի 2006թ. նոյեմբերի 24-ի  “Հայաստանի Հանրապետության վիճակագրության պետական խորհրդի աշխատակարգը հաստատելու և  Հայաստանի Հանրապետության վիճակագրության պետական խորհրդի 2000 թվականի օգոստոսի 15-ի թիվ 10 որոշումն ուժը կորցրած ճանաչելու մասին” թիվ 20-Ն որոշում.

3. Հայաստանի Հանրապետության վիճակագրության պետական խորհրդի 2001թ. օգոստոսի 15-ի “Վիճակագրական տեղեկատվության հրապարակման ձևերի մասին կարգը հաստատելու մասին թիվ 60 որոշում:

 

0.1.2 Հարաբերություններ վարչական վիճակագրություն իրականացնող մարմինների հետ

Վիճակագրական կոմիտե

ՀՀ ՎԿ-ի հարաբերությունները վարչական վիճակագրություն իրականացնող կազմակերպությունների հետ կարգավորվում են Հայաստանի Հանրապետության վիճակագրության պետական խորհրդի 2002թ. մայիսի 10-իՎարչական (տեղեկատվական) ռեգիստրների վարման և դրանցից տեղեկատվության ստացման կարգը հաստատելու մասին” թիվ 109 որոշմամբ:

Թիվ 109 որոշումը uահմանում է վարչական (տեղեկատվական) ռեգիuտրների վարման, ինչպեu նաև դրանց միջոցով հավաքագրվող տեղեկությունների` ՀՀ Վիճակագրական կոմիտե ներկայացման կարգն ու պայմանները:

0.1.3 Անհատական (անվանական) տվյալների գաղտնիություն

Վիճակագրական կոմիտե

Վիճակագրական գաղտնիքի հետ կապված խնդիրները կարգավորվում են “Պաշտոնական վիճակագրության մասին” Հայաստանի Հանրապետության օրենքով և Հայաստանի Հանրապետության վիճակագրության պետական խորհրդի 2001թ. հունիսի 25-ի  Վիճակագրական գաղտնիքի պահպանման կարգը հաստատելու մասին” թիվ 53 որոշմամբ սահմանված դրույթներով:

Նշված կարգը uահմանում է վիճակագրական գաղտնիք պարունակող տեղեկությունների պահպանման, oգտագործման և հրապարակման կարգը, վիճակագրական գաղտնիքի շուրջ ծագող հարաբերությունների մաuնակիցների իրավունքներն ու պարտականությունները:

 Համաձայն այդ իրավական ակտերի ՀՀ ՎԿ-ում ստեղծվել է Վիճակագրական գաղտնիքի պահպանման հարցերի հանձնաժողով: Բացի այդ, ՀՀ ՎԿ բոլոր աշխատողները ստորագրում են հայտարարագիր վիճակագրական գաղտնիքի պահպանման վերաբերյալ:

0.1.4 Վիճակագրական հաշվետվության ապահովում

Վիճակագրական կոմիտե

Վիճակագրական աշխատանքների ծրագրի իրականացման համար անհրաժեշտ վիճակագրական տեղեկատվության ներկայացումը կարգավորվում է “Պաշտոնական վիճակագրության մասին” Հայաստանի Հանրապետության օրենքով և Հայաստանի Հանրապետության վիճակագրության պետական խորհրդի 2016թ. հունիսի 20-ի  Վիճակագրական տվյալների հավաքման կարգը հաստատելու և Հայաստանի Հանրապետության պետական խորհրդի 2003 թվականի հոկտեմբերի 3-ի թիվ 11-Ն և 2010 թվականի մայիսի 12-ի թիվ 12-Ն որոշումներն ուժը կորցրած ճանաչելու մասին թիվ 05-Ն որոշմամբ սահմանված դրույթներով:

Նշվածով uահմանվում է Հայաuտանի Հանրապետության oրենuդրությամբ uահմանված կարգով գրանցված իրավաբանական անձանց (անկախ կազմակերպական-իրավական ձևից), անհատ ձեռնարկատերերի, oտարերկրյա իրավաբանական անձանց` Հայաuտանի Հանրապետությունում գտնվող առանձնացված uտորաբաժանումների, ինչպեu նաև պետական կառավարման և տեղական ինքնակառավարման մարմինների կողմից, պետական վիճակագրական դիտարկումների շրջանակում վիճակագրական տեղեկությունների ներկայացման կարգը:

0.2.1 Անձնակազմ, օժանդակ միջոցներ, համակարգչային ռեսուրսներ և ֆինանսավորում

Վիճակագրական կոմիտե

Վիճակագրական կոմիտեի աշխատողների թվաքանակը հաստատում է ՀՀ ՎԿ նախագահը:

ՀՀ ՎԿ–ն ֆինանսավորվում է ՀՀ պետական բյուջեից:

ՀՀ ՎԿ այն աշխատողների, որոնք հանդիսանում են քաղաքացիական ծառայողներ, աշխատանքի վարձատրությունն իրականացվում է “Քաղաքացիական ծառայողների աշխատանքի վարձատրության մասին” ՀՀ օրենքով և ընդհանուր է բոլոր քաղաքացիական ծառայողների համար:

Արտաքին պարտք

Վճարային հաշվեկշռի և արտաքին առևտրի վիճակագրության բաժինն ունի 8 աշխատակից, որոնցից 3-ը զբաղված են արտաքին առևտրի վիճակագրությամբ և բոլորն ունեն բարձրագույն կրթություն:

0.2.2 Ռեսուրսների արդյունավետ օգտագործման ապահովում

Վիճակագրական կոմիտե

ՀՀ օրենսդրությամբ սահմանված կարգով, ՀՀ ՎԿ աշխատակազմի ղեկավարը տնօրինում է ՎԿ աշխատակազմի սեփականությունը, ներառյալ ֆինանսական միջոցները: ՀՀ ՎԿ աշխատակազմի ղեկավարը պատրաստում է ՎԿ-ի բյուջեի նախագիծը:

ՀՀ ՎԿ տարեկան բյուջեի ծախսերը և ֆինանսական հաշվետվությունների իսկության վերստուգումը հաստատում է ՀՀ ՎԿ նախագահը, իսկ տարեկան հաշվեկշիռը և ֆինանսական հաշվետվությունը` ՀՀ վիճակագրության պետական խորհուրդը:

ՀՀ ՎԿ աշխատակազմի տարեկան ֆինանսական հաշվետվության իսկության վերստուգումն իրականացվում է ՀՀ Կառավարության սահմանած կարգով:

0.3.1 Սպառողների պահանջների մոնիթորինգ

Վիճակագրական կոմիտե

Սպառողների պահանջներն ուսումնասիրելու նպատակով  վիճակագրական աշխատանքների ծրագրերը (հնգամյա և տարեկան) տեղադրվում են ՀՀ ՎԿ ինտերնետային կայքում ( http://www.armstat.am), ինչպես նաև ներկայացվում է ընտրանքային կարգով ընտրված մոտ հարյուր սպառողների (կառավարչական, գիտական և կրթական կազմակերպություններ, դատական մարմիններ, բանկային համակարգ, գործարար, ոչ կառավարական և միջազգային կազմակերպություններ և զանգվածային լրատվության միջոցներ)` դիտողությունների և առաջարկությունների համար:

Համաձայն  Պաշտոնական վիճակագրության մասին” Հայաստանի Հանրապետության օրենքի տարեկան ծրագիրը ներառում է ցուցանիշներ երկրի տնտեսական, ժողովրդագրական, սոցիալական և բնապահպանական իրավիճակի վերաբերյալ և փոփոխվում է` հաշվի առնելով սպառողների պահանջների ուսումնասիրությունը:

Տարեկան ծրագիրը մշակելիս հաշվի են առնվում առկա ռեսուրսների սահմանափակումները, վիճակագրական տեղեկություններ տրամադրողների վրա դրվող պարտականությունների ծավալը և ծախսերի արդյունավետությունը, երկրի տվյալների համադրելիությունը միջազգային չափանիշներին, այդ ցուցանիշների պոտենցիալ կայուն պարբերականությունը` երկարաժամկետ միտումները բացահայտելու տեսանկյունից և դրանք պետական վիճակագրությանը հատկացվող տարեկան ռեսուրսների հետ ներդաշնակեցնելու նպատակով:

0.4.1 Որակի քաղաքականություն

Վիճակագրական կոմիտե

Որակի քաղաքականությունը հիմնված է միջազգային չափանիշներին և համադրումներին համապատասխան համընդհանուր վիճակագրական մեթոդաբանության կիրառման ապահովման սկզբունքի, ինչպես նաև անհրաժեշտ տեխնիկական, տնտեսական և սոցիալական տեղեկատվության դասակարգումների օգտագործման  վրա:

0.4.2 Որակի մոնիթորինգ

Վիճակագրական կոմիտե

Տարեկան ծրագրի կատարումը կազմակերպում է ՀՀ ՎԿ նախագահը:

0.4.3 Որակի պլանավորում

Վիճակագրական կոմիտե

Վիճակագրական տեղեկատվություն տրամադրողներից հավաքված տվյալներն ենթարկվում են թվաբանական և տրամաբանական ստուգման:

Որակի ապահովման ներքին գործընթացները, կախված դրանց բնույթից, իրականացնում են հետևյալ բաժինները.

  • ցուցանիշների համապատասխան մեթոդաբանության ապահովում` ՀՀ ՎՊԽ, որակի կառավարման բաժին և ներքին աուդիտի վարչություն.

  • ձեռնարկատիրական գործունեության վիճակագրություն` մակրոտնտեսական ցուցանիշների և ազգային հաշիվների բաժին և որակի կառավարման բաժին.

  • մակրոտնտեսական ցուցանիշներ` որակի կառավարման բաժին.

  • հրապարակում և տարածում` ՀՀ ՎԿ նախագահի խորհրդական և Վիճակագրական տեղեկատվության տարածման և հասարակայնության հետ կապերի բաժին:

 1.1.1 Վիճակագրության անկողմնակալություն

Վիճակագրական կոմիտե

Համաձայն Պաշտոնական վիճակագրության մասին” ՀՀ օրենքի, ՀՀ ՎԿ-ն իր խնդիրներն իրականացնելիu անկախ է Հայաuտանի Հանրապետության պետական եւ տեղական ինքնակառավարման մարմիններից:

 1.1.2 Սկզբնական տվյալների, մեթոդաբանության և տարածման ընտրություն

Վիճակագրական կոմիտե

Տարեկան ծրագիրը, որը հաստատվում է ՀՀ ՎՊԽ կողմից, ներառում է`

  • վիճակագրական աշխատանքների ցանկը, դրանց կատարման ժամկետները, ընդգրկման դաշտը, ինչպեu նաև դիտարկումների ձևերը.

  • վիճակագրական ցուցանիշների տրամադրման պարբերականությունը.

  • Ծառայության կողմից իրականացման ենթակա հետազոտությունների, հրատարակվելիք վիճակագրական ժողովածուների, տեղեկագրերի եւ այլ հրապարակումների ցանկն ու պարբերականությունը.

  • կազմակերպությունների, պետական եւ տեղական ինքնակառավարման մարմինների և այլ վարչական ռեգիuտրների եւ դրանց կողմից ներկայացվող ամփոփ վիճակագրական տեղեկությունների (տվյալների) ցանկը.

  • վիճակագրական տեղեկատվության uպառողների ցանկը, անվճար տրամադրվող տեղեկատվության կազմն ու տրամադրման կարգը:

1.1.3 Վիճակագրության ոչ ճիշտ oգտագործման եւ մեկնաբանման պարզաբանում

Վիճակագրական կոմիտե

Համաձայն Պաշտոնական վիճակագրության մասին ՀՀ օրենքի ՀՀ ՎԿ-ն պարտավոր չէ, սակայն իրավունք ունի պարզաբանել վիճակագրական տեղեկատվության եւ տվյալների ոչ ճիշտ oգտագործման եւ մեկնաբանման դեպքերը:

1.2.1 Տեղեկատվություն վիճակագրական տվյալների հավաքագրման, մշակման և տարածման ժամակետների և պայմանների վերաբերյալ

Վիճակագրական կոմիտե

 

Պաշտոնական վիճակագրության մասին” ՀՀ օրենքը հրապարակվել է Հայաստանի Հանրապետության 2018 թվականի մարտի 28-ի թիվ 23(1381) Պաշտոնական տեղեկագրում, տեղադրված է նաև ՀՀ ՎԿ ինտերնետային կայքի հետևյալ հասցեում.

https://www.armstat.am/am/?nid=638 (հայերեն, անգլերեն):

 

Հայաստանի Հանրապետության 2019-2023 թվականների Վիճակագրական աշխատանքների հնգամյա ծրագրի մասինՀՀ ՎՊԽ որոշումը հրապարակվել է Հայաստանի Հանրապետության  2018 թվականի նոյեմբերի 15-ի թիվ 28(631) Գերատեսչական նորմատիվ ակտերի տեղեկագրում: Ծրագրի հայերեն տարբերակը տեղադրված է ՀՀ ՎԿ ինտերնետային կայքի հետևյալ հասցեում. https://www.armstat.am/am/?nid=719:

Պաշտոնական վիճակագրության կազմակերպման առանձին հարաբերություններ կարգավորվում են նաև Հայաստանի Հանրապետության վիճակագրության պետական խորհրդի կողմից հաստատված և ստորև թվարկված հետևյալ նորմատիվ ակտերով, որոնք հաստատվելուց հետո հրապարակվում են նաև Հայաստանի Հանրապետության գերատեսչական նորմատիվ ակտերի տեղեկագրում.

    1. Հայաստանի Հանրապետության վարչապետի 2018թ. հունիսի 11-ի  “Հայաստանի Հանրապետության վիճակագրական կոմիտեի կանոնադրությունը հաստատելու մասին թիվ 741-Լ որոշումը :

    2. Հայաստանի Հանրապետության վիճակագրության պետական խորհրդի 2016թ. հունիսի 20-ի  “Վիճակագրական տվյալների հավաքման կարգը հաստատելու և Հայաստանի Հանրապետության վիճակագրության պետական խորհրդի 2003 թվականի հոկտեմբերի 3-ի թիվ 11-Ն և 2010 թվականի մայիսի 12-ի թիվ 12-Ն որոշումներն ուժը կորցրած ճանաչելու մասին թիվ 05-Ն որոշումը (հրապարակված է Հայաստանի Հանրապետության գերատեսչական նորմատիվ ակտերի 2016թ. հուլիսի 22-ի թիվ 15(558) տեղեկագրում):

    3. Հայաստանի Հանրապետության վիճակագրության պետական խորհրդի 2001թ. հունիսի 25-ի  “Վիճակագրական գաղտնիքի պահպանման կարգը հաստատելու մասին թիվ 53 որոշումը (հրապարակված է Հայաստանի Հանրապետության գերատեսչական նորմատիվ ակտերի 2001թ. սեպտեմբերի 4-ի թիվ 15(78) տեղեկագրում):

    4. Հայաստանի Հանրապետության վիճակագրության պետական խորհրդի 2001թ. օգոստոսի 15-ի  “Վիճակագրական տեղեկատվության հրապարակման ձևերի մասին կարգը հաստատելու մասին թիվ 60 որոշումը (հրապարակված է Հայաստանի Հանրապետության գերատեսչական նորմատիվ ակտերի 2002թ. փետրվարի 11-ի թիվ 3(89) տեղեկագրում):

    5. Հայաստանի Հանրապետության վիճակագրության պետական խորհրդի 2006թ. նոյեմբերի 24-ի  “Հայաստանի Հանրապետության վիճակագրության պետական խորհրդի աշխատակարգը հաստատելու և  Հայաստանի Հանրապետության վիճակագրության պետական խորհրդի 2000 թվականի օգոստոսի 15-ի թիվ 10 որոշումն ուժը կորցրած ճանաչելու մասին” թիվ 20-Ն որոշումը (հրապարակված է Հայաստանի Հանրապետության գերատեսչական նորմատիվ ակտերի 2006թ. դեկտեմբերի 15-ի թիվ 30(239) տեղեկագրում):

    6. Հայաստանի Հանրապետության վիճակագրության պետական խորհրդի 2002թ. մայիսի 10-ի “Վարչական (տեղեկատվական) ռեգիստրների վարման և դրանցից տեղեկատվության ստացման կարգը հաստատելու մասին թիվ 109 որոշումը (հրապարակված է Հայաստանի Հանրապետության գերատեսչական նորմատիվ ակտերի 2002թ. հուլիսի 15-ի թիվ 17(103) տեղեկագրում):

Վերը նշված որոշումների հայերեն տարբերակաները ևս տեղադրված է ՀՀ ՎԿ ինտերնետային կայքի հետևյալ հասցեում. https://www.armstat.am/am/?nid=95:

Բացի վերը նշվածից, Հայաստանի Հանրապետության Վիճակագրության պետական խորհրդի կողմից հաստատվելուց հետո “Հայաստանի Հանրապետության գերատեսչական նորմատիվ ակտերի տեղեկագրում” հրապարակվում են նաև բոլոր պետական վիճակագրական հաշվետվությունների ձևերը և դրանց լրացման կարգի վերաբերյալ հրահանգները:

Հաշվետվությունների ձևերի և դրանց լրացման կարգի վերաբերյալ հրահանգների հայերեն տարբերակները տեղադրված են ՀՀ ՎԿ ինտերնետային կայքի հետևյալ հասցեում. https://www.armstat.am/am/?nid=547

1.3.1 Անձնակազմի էթիկայի կանոններ

Վիճակագրական կոմիտե

ՀՀ ՎԿ անձնակազմի էթիկայի կանոններն ամրագրված են  Քաղաքացիական ծառայության մասին” ՀՀ օրենքով (հրապարակված է 2002թ. հունվարի 9-ի թիվ 1(176) Պաշտոնական տեղեկագրում) և ՀՀ քաղաքացիական ծառայության խորհրդի "Քաղաքացիական ծառայողների էթիկայի կանոնները հաստատելու մասին" 2002թ. մայիսի 31-ի թիվ 13-Ն որոշմամբ (հրապարակված է Հայաստանի Հանրապետության գերատեսչական նորմատիվ ակտերի 2002թ. օգոստոսի 1-ի թիվ 18(104) տեղեկագրում):

Էթիկայի կանոներն ընդհանուր են քաղաքացիական ծառայողների համար, քաղաքացիական ծառայության բոլոր մարմիններում:

Նախնական տվյալների հասանելիությունը պետական մարմիններին (մինչ պաշտոնական հրապարակումը)

1.2.2  Նախքան վիճակագրության պաշտոնական հրապարակումը պետական մարմիններին հասանելիություն

Վիճակագրական կոմիտե

Մինչ ՀՀ ՎԿ կոցմից պաշտոնական հրապարակումը վիճակագրական տվյալներն որևէ պետական մարմնի տրամադրման ենթակա չեն:

Վիճակագրական տվյալների հրապարակումների ժամանակ գերատեսչական մեկնաբանությունների առկայությունը

1.2.3 Վիճակագրական արտադրանքի իրավասություն

Վիճակագրական կոմիտե

Պետական մարմինների, ինչպես նաև այլ շահագրգիռ սպառողների կողմից ներկայացված մեկնաբանությունները վիճակագրական հրապարակումներում չեն արտացոլվում:

Ճշգրտումների վերաբերյալ տեղեկատվությամբ ապահովումը և մեթոդաբանական էական փոփոխությունների վերաբերյալ նախնական իրազեկումը

4.3.1 Վերանայման օրացույց

Առաջին անգամ հրապարակված տվյալները համարվում են նախնական, եռամսյակային տվյալները  ճշգրտվում են տարեկան  հաշվետվությունների հիման վրա:

Բացի այդ, բացառիկ դեպքերում իրականացվում են վերանայումներ, երբ հաշվարկման մեթոդները ենթարկվում են էական փոփոխությունների:

4.3.2 Նախնական և/կամ վերանայված տվյալների ներկայացում

Համապատասխան հրապարակումներում տվյալները նշագրվում են օպերատիվ (նախնական), ճշտված կամ վերջնական: Փոփոխված տվյալներն ուղեկցվում են բացատրական ծանոթագրություններով` փոփոխությունների կիրառման ժամանակ:

1.2.4 Մեթոդաբանության, սկզբնական տվյալների և վիճակագրական մեթոդների էական փոփոխությունների վերաբերյալ նախնական իրազեկում

Վիճակագրական կոմիտե

Համապատասխան ծանոթագրություններ են ներկայացվում նաև մեթոդաբանության փոփոխությունների դեպքում:

 ՀՀ ՎԿ-ն օրենքով սահմանված կարգով (“Պաշտոնական վիճակագրության մասին”, “Իրավական ակտերի մասին” ՀՀ օրենքներ, Հայաստանի Հանրապետության վիճակագրության պետական խորհրդի 2016թ. հունիսի 20-ի  “Վիճակագրական տվյալների հավաքման կարգը հաստատելու և Հայաստանի Հանրապետության վիճակագրության պետական խորհրդի 2003 թվականի հոկտեմբերի 3-ի թիվ 11-Ն և 2010 թվականի մայիսի 12-ի թիվ 12-Ն որոշումներն ուժը կորցրած ճանաչելու մասին թիվ 05-Ն որոշում և այլն) վիճակագրական հաշվետվությունների նոր ձևերի և/կամ դրանց լրացման կարգի վերաբերյալ հրահանգների տրամադրման միջոցով իրազեկում է վիճակագրական տեղեկություններ տրամադրողներին` մեթոդաբանության մեջ կատարված փոփոխությունների մասին (ՀՀ ՎՊԽ կողմից հաստատվելուց և “Հայաստանի Հանրապետության գերատեսչական նորմատիվ ակտերի տեղեկագրում” հրապարակելուց հետո):

Որակ

Վիճակագրության պատրաստման ժամանակ օգտագործվող մեթոդաբանության և աղբյուրների հետ կապված փաստաթղթերի տարածում

5.2.1 Հիմնադրույթների, ընդգրկունության, դասակարգումների, գրանցման սկզբունքների, սկզբնական տվյալների և վիճակագրական մեթոդների հետ կապված փաստաթղթերի տարածում

Ցուցանիշների վերաբերյալ հակիրճ մեթոդաբանական պարզաբանումները հրապարակվում են “Հայաստանի Հանրապետության սոցիալ-տնտեսական վիճակը” տեղեկատվական ամսական զեկույցում, “Հայաստանի վիճակագրական տարեգրքում”, իսկ առավել մանրամասն` թեմատիկ հրապարակումներում:

Վիճակագրական հաշվետվությունների ձևերը և դրանց լրացման կարգի վերաբերյալ հրահանգները ՀՀ ՎՊԽ կողմից հաստատվելուց հետո, որպես նորմատիվ իրավական ակտեր պարտադիր հրապարակվում են “Հայաստանի Հանրապետության գերատեսչական նորմատիվ ակտերի տեղեկագրում”, որից հետո միայն ստանում են իրավաբանական ուժ:

(Տե´ս նաև Ամփոփ մեթոդաբանություն)

Տվյալների տարածումը, որը հնարավորություն է տալիս իրականացնել խաչաձև վիճակագրական ստուգումներ և տալիս է հիմնավորվածության երաշխիքներ

4.2.1 Ներքին համադրելիություն

Հրապարակումներում ներկայացված են եռամսյակային և տարեկան տվյալներ (տե´ս նաև 5.1.1):

4.2.2 Ժամանակագրական համադրելիություն

Տեղեկատվական ամսական զեկույցներում ներկայացվում են տվյալներ ընթացիկ ժամանակաշրջանի վերաբերյալ ըստ ստանդարտ բաղադրիչների:

Տարեկան հրապարակումներում առկա են տարեկան  տվյալներ վերջին 4 տարիների կտրվածքով ըստ ստանդարտ բաղադրիչների:

Ժամանակային ամբողջական շարքը (տարեկան և եռամսյակային կտրվածքով) տեղադրվում է ՀՀ ՎԿ ինտերնետային կայք-էջի "տվյալների բազաներ" հատվածում:

Մեթոդաբանական կամ այլ փոփոխությունների դեպքում, համապատասխան հրապարակումներում տրվում են ծանոթագրություններ այդ փոփոխությունների վերաբերյալ, ինչպես նաև գնահատված (ճշգրտված) ժամանակային շարքեր` նախորդ տարիների համար:

4.2.3 Միջճյուղային և խաչաձև համադրելիություն

Վճարային հաշվեկշռի և Միջազգային ներդրումային դիրքի  հրապարկումների համապատասխան տվյալներն օգտագործվում են արտաքին պարքի տվյալների խաչաձև ստուգման համար:

5.1.2 Տարածման միջոց և ձևաչափ

Տվյալները տարածվում են ՎՀՁ5-ի ստանդարտ բաղադրիչներին և արտաքին պարտքի ուղեցույցի համապատասխան: