ԽՆԴՐԱՆՔ ԱՐՄՍՏԱՏԻ ՀԵՏԱԶՈՏՈՒԹՅՈՒՆՆԵՐԻՆ ՄԱՍՆԱԿԻՑ ԲՆԱԿՉՈՒԹՅԱՆԸ (COVID-19)

23 Մարտի 2020

ՍԻՐԵԼԻ՛ ՔԱՂԱՔԱՑԻՆԵՐ

Կորոնավիրուսի համավարակը մարտահրավեր է բոլորիս համար, սակայն դրա հաղթահարման միջոցներից է նաև տարբեր ոլորտներում մեր կենսագործունեության շարունակական և անվտանգ ապահովումը: Այս դեպքում Վիճակագրական կոմիտեի (Արմստատի) պարտականությունն է երկրի համար կարևորագույն վիճակագրական տվյալների ապահովումը՝  Ձե՛ր միջոցով և Ձեր գործուն օժանդակությամբ։

Մեր առաջնահերթությունն, անշուշտ, Ձեր և մեր աշխատակիցների առողջությունն է: Ուստի, կորոնավիրուսի վարակի տարածումը կանխելու նպատակով, դիմում ենք Ձեզ խնդրանքով՝ աջակցել տնային տնտեսություններում հետազոտություններ իրականացնող մեր հարցազրուցավարներին՝ Ձեր թանկարժեք ժամանակից մի քանի րոպե տրամադրել՝ պատասխանելու նրանց հեռախոսազանգին՝ Ձեր տուն այցելելության փոխարեն: Ընդ որում, դա կարող եք անել Ձեզ համար ամենահարմար ժամանակ ու նաև Ձեր նախապատվությամբ՝ հեռախոսազրույցի փոխարեն լրացնել հարցաթերթի էլեկտրոնային տարբերակը (Ձեզ հետ կապ հաստատած հարցազրուցավարի կողմից հարցաթերթի փոխանցման և լրացման կարգի օժանդակությամբ):

Հիշե՛ք, որ Արմստատի կողմից իրականացվող հետազոտություններում Ձեր անկեղծ և հավաստի պատասխաններով կնպաստեք և մասնակիցը կդառնաք Հայաստանում գործազրկության և աղքատության հաղթահարմանը, ինչպես և կօգնեք կառավարությանը՝ գնահատելու երկրի աշխատաշուկայի և բնակչության կենսամակարդակի վրա համավարակի ազդեցությունը:

Հարցման ընթացքում Ձեր կողմից ստացված անհատական պատասխանների գաղտնիությունը երաշխավորված է Պաշտոնական վիճակագրության մասին ՀՀ օրենքով: Համակարգչային մշակում անցնելուց հետո, դրանք օգտագործվում են միայն ընդհանրացված և անանուն՝ բացառապես վիճակագրական ամփոփ փաստագրման նպատակով:

Հարցերի դեպքում կարող եք զանգահարել հետևյալ հեռախոսահամարներով՝

(011) 58 78 29, (011) 52 43 26, (011) 52 33 60:

 

Շնորհակալություն համագործակցության համար: